Бишкекте 14 жаштагы өспүрүм 9-кабаттын терезесинен кулап жан берди. Бул тууралуу Октябрь райондук ички иштер башкармалыгынын басма сөз кызматы билдирди.

Маалым болгондой, окуя 18-май күнү эртең менен болгон. Окуяга күбө болгондор милицияга көп кабаттуу үйдүн батиринен бир адам кулап кетип, ошол жерден каза болгонун айтышкан.

"Маркумдун өздүгү такталып, ал 2008-жылы туулган өспүрүм болуп чыкты. Учурда тергөөгө чейинки текшерүү иштери жүрүп, экспертизалар дайындалды. Окуянын чоо-жайы такталууда", — деп айтылат маалыматта.

Булак: NazarNews.kg