Бишкекте Октябрь райондук ички иштер бөлүмүнүн №4 бөлүмүнүн тергөөчүсү кармалганын бүгүн, 10-февралда, АКИpress агенттигине тартип коргоо органдарындагы өздүк булактар билдирди.

Алдын ала маалыматтар боюнча, К.у.Э. аттуу жаран кечээ, 9-февралда жумуш ордунда кармалган. Кармоо Улуттук коопсуздук боюнча мамлекеттик комитеттин жана ИИМдин Ички иликтөө кызматынын кызматкерлери тарабынан жүргүзүлдү.

Тергөөчү пара талап кылууга шектелүүдө. Ал милиционерлердин үй-бүлөсүнөн чыккан. Атасы жетекчилик кызматтарды аркалап, ички иштер органдарында оперативдүү иштерди көзөмөлдөгөн. Кармалган жарандын башка жакындары дагы милицияда иштеген.

Булак: NazarNews.kg