Бүгүн, 21-октябрда Бишкекте “Театралдык” скверинде орнотулган жаңы пианино кайрадан талкаланды. Бул тууралуу «Бишкекзеленхоздун» басма сөз катчысы Аида Айдаралиева журналисттерге билдирди.

Анын айтымында, ушул түнү белгисиз адамдар музыкалык аспапты бузуп, талкалап салышкан; пианинону калыбына келтирүү мүмкүн эмес. Муниципалдык ишкананын өкүлдөрү укук коргоо органдарына кайрылышат.

Эске салсак, бир ай мурун пианинону белгисиз адамдар сындырып кетишкен. Мэрия укук коргоо органдарына аталган иш боюнча арыз менен кайрылып кылмышкердин өздүгү такталган.

Тартип бузуучулар жакында жаңы музыкалык аспапты орнотушкан эле. Бирок, ага карабай аспап кайрадан белгисиз бирөөлөр тарабынан талкаланган. 

Булак: NazarNews.kg