Бишкекте уюшкан кылмыш тобунун мүчөсү кармалды

Журналист: МЭЭРИМАЙ АЛЫБЕКОВА

11.04.2021, 23:15

25300

кылмыш жана кырсык

Бишкекте ири алдамчылыкка шектелген адам кармалды, деп билдирди бүгүн, 11-апрелде ИИМдин басма сөз кызматы.

Тергөөнүн маалыматы боюнча, шектүү 2016-жылы Ош шаарынын тургунунан «Тойота Камри» үлгүсүндөгү унаа сатып алган. Унааны 6 миң долларга баалашып, алгач 40 миң сом берген. Акчанын калганын 2 айдын ичинде төлөп берүүнү убадалап, бирок качып кеткен.

Жабырлануучу милиция кызматкерлерине 2019-жылы кайрылып, алдамчылык беренеси менен тергөө иштери башталган. Шектүүгө издөө жарыяланып, Ички иштер министрлигинин Криминалдык милиция кызматынын аймактар аралык башкармалыгынын кызматкерлери тарабынан шектүү — 1983-жылы туулган Ж.К Бишкекте жашырынып жүргөнү аныкталган. Ал 9-апрелде «Ош» базары тараптан кармалды.

Милициянын маалыматы боюнча, шектүү Ички иштер министрлигинин каттоосунда уюшкан кылмыштуу топтун мүчөсү катары турат. Алдамчылык боюнча тергөө уланып жатат.

Булак: NazarNews.kg