Бишкектеги жогорку окуу жайлардын биринин жатаканасынан кыздын жансыз денеси табылды. Бул тууралуу борбор калаанын Ленин райондук ички иштер башкармалыгынын басма сөз кызматы билдирди.

Маалыматка ылайык, 29-ноябрда милицияга жатакананын бөлмөлөрүнүн биринен кыздын сөөгү табылганы тууралуу кабар келген. Айтылган дарекке келген РИИБдин тергөө-ыкчам тобу кызды асынган абалда табышкан.

«Кыздын өздүгүн аныкталып, ал 2005-жылы туулган Р.А. экени белгилүү болгон. Денеден зордук-зомбулук менен өлүмдүн белгилери табылган эмес. Бардык керектүү экспертизалар дайындалган. Учурда окуянын чоо-жайы такталууда», - деп айтылат маалыматта.

Аталган факты боюнча милиция иликтөө иштерин баштады.

Булак: NazarNews.kg