Бишкектин тургуну Надежда Рыкова апасынын өлүмүнө коңшу жашаган аялды айыптоодо. Бул тууралуу Рыкова АКИpress`те өткөн пресс-конференцияда билдирген. 

Анын айтымында, апасы Тамара Судакова Кара-Балта шаарындагы көп кабаттуу үйлөрдүн бириндеги батирде жашаган. 2010-жылдан бери Рыкова апасын багуу үчүн медайымдарды жана үй кызматчыларын жалдаган. Бул 2019-жылга чейин уланган.

"2018-жылы И.В. аттуу аял апам жашаган көп кабаттуу үйдөн ижарага батир алып, аны менен жакшы сүйлөшө баштады. Бир нече убакыт өткөндөн кийин, апам үй кызматчыларынан жана бардык досторунан баш тартып, И.В. ага кам көрө баштады", - дейт Рыкова.

Ал апасы менен уруша баштаган. Анын айтымында, батирдин ачкычы И.В.да гана болгон жана эч ким ал жакка кире алган эмес.

"Буга чейин батир мага жазылган болчу. Бир күнү апам телефон чалып, батирге документтерди алып келүүнү суранып, эртеси келиним менен бардым. Батирде нотариус менен И.В., бар экен. Апам батирди И.В.га өткөрүп берди", - дейт ал.

Андан кийин Судакова үй-бүлөсү жана достору менен байланышка чыкпай калган. 2020-жылдын 21-ноябрында аял каза болгон.

Кийинчерээк экспертиза Судакова морфиндин ашыкча дозасынан каза болгонун аныктаган. Буга байланыштуу кылмыш иши козголгон. Бирок, Рыкованын адвокаттары айткандай, 2,5 жылдан бери Чүй облусунун ички иштер башкы башкармалыгынын тергөө органдары бул ишти тийиштүү түрдө иликтей элек.

Адвокат Майрам Алмамбетова укук коргоо кызматкерлери Судакованын канында морфин кантип жана кайдан пайда болгонун тактабай жатканын баса белгиледи. Кошумчалай кетсек, алар бул дарыны кайсы дарыкана сатканын такташкан эмес, анткени адвокат Венера Буудайбекованын айтымында, Судаковага ооруну басаңдатуу үчүн морфин ичүүнүн кереги жок болчу.

Алмамбетованын айтымында, учурда алар эки ишти — жарандык жана кылмыш ишин карап жатат..

"Жайыл райондук соту жарандык доо арыз менен Судакова И.В.га аны караганы үчүн мүлкүн өткөрүп берүүсүн мыйзамсыз деп тапкан, анткени аял келишим түзүүдө аракетке жөндөмсүз болгон. Экинчи инстанция чечимди күчүндө калтырды. Ал тарап Жогорку Сотко кассациялык арыз менен кайрылган", - дейт жактоочу.

Буга байланыштуу маалымат жыйындын катышуучулары бийлик өкүлдөрүнөн алардын көйгөйүнө көңүл бурууну өтүнүшөт.

Өз кезегинде Чүй ОИИББинен Рыкованын айыптоосуна жооп кайтарды. 2020-жылдын 21-ноябрында 80 жаштагы Судакованын өлүмү милицияга катталып, текшерүү иштери башталып, анын алкагында соттук-медициналык экспертиза дайындалган.

Корутундуда жергиликтүү тургун канынан жана ички органдарынан табылган баңги затына ууланып каза болгондугу көрсөтүлгөн. Бирок дене жаракаттары катталган эмес. Андан соң милиция Кылмыш-жаза кодексинин 122-беренеси (Киши өлтүрүү) менен кылмыш ишин козгогон.

2021-жылдын июнь айында Чүй облусунун прокуратурасы тергөөнү Чүй ОИИББинен тергөө кызматына тапшырган. Тергөөчүлөр Судакова менен баарлашкандардын баарын – кошуналарын жана туугандарын суракка алышкан. Учурда милиция шектүүлөрдүн тактап жатат.

Булак: NazarNews.kg