Бүгүн, 13-ноябрда Бишкек шаарындагы Жал кичи районуна авариядан улам жылуулук берүү токтотулду. Бул тууралуу Бишкек шаардык мэриясынын басма сөз кызматынан билдиришти.

"Урматтуу жарандар! "Бишкекводоканалдагы" авариялык иштерге байланыштуу, "Бишкекжылуулук" 13-ноябрда Жал кичи районунун жашоочуларына жылуулук энергиясын берүүнү авариялык жумуштар бүткөнгө чейин токтотууга аргасыз болушат. Келтирилген ыңгайсыздыктар үчүн чын жүрөктөн кечирим сурайбыз", - деп айтылат билдирүүдө.

Булак: NazarNews.kg