АКШ администрациясы Өзбекстан менен Кыргызстандын ортосундагы чек араны тактоо боюнча келишимдерди кубаттап, ошондой эле Ташкент жүргүзүп жаткан реформаларга оң баа берет. Бул тууралуу дүйшөмбү күнү АКШнын мамлекеттик катчысы Энтони Блинкен Американын борборунда Өзбекстандын тышкы иштер министри Владимир Норов менен жолугушуу алдында билдирди.

"Биз стратегиялык өнөктөштүк боюнча диалогду улантып жатабыз, бул мени абдан кубандырат", - деди америкалык дипломатиянын жетекчиси. Анын айтымында, диалогдун алкагындагы жолугушуу шейшемби күнү болот. "Бул биздин алдыбызда турган көптөгөн көйгөйлөр боюнча пикир алмашуу үчүн жакшы жана маанилүү мүмкүнчүлүк болот. Мен АКШнын Өзбекстандын эгемендигине, көз карандысыздыгына жана аймактык бүтүндүгүнө ар дайымкыдай эле берилгендигин баса белгилейм", - деди Блинкен.

АКШнын мамлекеттик катчысы «Өзбекстан менен Кыргызстандын чек араны тактоо боюнча келишимдерге жетишүүсүн» кубаттай турганын баса белгиледи. "Менин оюмча, бул аймактагы жана андан тышкаркы көптөгөн адамдар үчүн мындай маселелерди чечүүдө дипломатиянын потенциалы жана маанилүүлүгү жөнүндө сигнал берет", - деди Блинкен.

АКШнын Тышкы иштер министрлигинин башчысы Өзбекстанда реформалар боюнча, анын ичинде дин тутуу эркиндиги, мажбурлап иштетүү боюнча жасалып жаткан иштерди жогору баалайм, албетте, бизде талкуулай турган нерсе бар, анын ичинде Ооганстан боюнча да", - деди Блинкен.

Өз кезегинде Норов Өзбекстан “жемиштүү диалогду улантууга”, анын ичинде “соода, инвестиция, илим, технология, билим берүү жана адамдык өнүгүү чөйрөлөрүндө эки тараптуу мамилелерди кеңейтүүгө” ишенерин белгиледи.

Булак: NazarNews.kg