Орусияга каршы жаңы кансыз согуш кээ бир Батыш саясатчылары ойлогондой болбой жатат. Германиянын премьер-министри Олаф Шольцтун Кытайга болгон талаштуу сапары буга далил. Бул тууралуу "Bloomberg" журналисти Панжак Мишра жазып чыкты.

Мишранын айтымында, Шольцтун Кытайга сапары Вашингтондун Берлин менен гана эмес, бүткүл дүйнө менен болгон мамилеси экиге бөлүнүшү мүмкүн дегенди билдирет.

«Шольцтун Пекинге сапары АКШ Кытай менен кызматташууга бекем жана ар тараптуу каршы чыгып турган учурда Вашингтондун Берлин менен гана эмес, бүткүл дүйнө менен мамилесинин бөлүнүшүн көрсөтөт.

Журналист Орусиянын Украинага каршы согушунан улам Берлин экономикасын садага чаба албайт деп билдирди.

Орусиянын Украинага каршы согушунан улам Германия өз экономикасын курмандыкка чала албайт», - деди ал.

Глобалдык экономикалык кызыкчылыктарга келсек, алар Американын эркине баш ийбейт деди Панжак Мишра.

Макаланын авторунун айтымында, Вашингтон, ошондой эле Ак үйдүн башчысы Джо Байдендин Украина боюнча бүткүл дүйнө менен чатагы 15-16-ноябрда Индонезияда өтө турган Чоң жыйырмалыктын (20 ири экономиканын) саммитинен кийин күчөйт.

Панжак Мишранын айтымында, Индонезиядагы саммиттен кийин президент Джо Байден Украинаны колдоо үчүн жалгыз күрөшүшү мүмкүн.

«Индонезия Чоң жыйырмалыктын саммитинин алкагында орус жана кытай лидерлери Владимир Путин менен Си Цзиньпинди кабыл алууга даярданууда. Бразилиядагы шайлоодо Кытайдын ишенимдүү өнөктөшү Луис Инасио Лула да Силва жеңди. Акыры, Германиянын премьер-министри Олаф Шольц акыркы үч жылда Кытайга келген биринчи жогорку даражалуу батыш лидери болот. Мындан улам Байден жалгыз күрөшүүгө соттолушу мүмкүн», - деди журналист.

Батыш өлкөлөрү Москвага каршы санкциялардын киргизилиши жана Орусиянын күйүүчү майдан ажыратуу саясатынан улам энергетикалык баанын өсүшүнө жана инфляциянын өсүшүнө туш болууда. Күйүүчү майдын, биринчи кезекте газдын кымбатташынын фонунда бул тармак Европадагы атаандаштыкка жөндөмдүүлүгүн бир топ жоготту. Бул экономиканын башка тармактарына да таасирин тийгизди. Ошондой эле, АКШ жана Европа өлкөлөрү акыркы ондогон жылдардан бери биринчи жолу рекорддук инфляцияга туш болууда.

Буга чейин Америкада үстүбүздөгү жылдын 8-ноябрында өткөн орто мөөнөттүү шайлоодон кийин Республикалык партия Конгресстин жок дегенде бир палатасын көзөмөлгө алса, АКШнын Украинага көрсөткөн жардамы азайышы мүмкүн экени айтылган. Ошондой эле «Вашингтон пост» жана «Нью-Йорк Таймс» басылмалары Вашингтон Орусияга каршы согушта Киевди сүйлөшүү үстөлүнө отургузушу керек деп жазды.

Булак: NazarNews.kg