Казакстандын биринчи президенти Нурсултан Назарбаевдин бир тууганы Болат Назарбаев негиздеген "Саликалы Урпак" фонду өзүнүн негиздөөчүсүнүн өлүмү боюнча социалдык тармактарда пайда болгон имиштерге комментарий берди.

«Б.Назарбаевдин өлүмү тууралуу анонимдүү телеграм-каналдарда тарап жаткан маалыматтар чындыкка дал келбей турганын билдиребиз. Б.Назарбаев керектүү дарыланууда жана белгиленген медициналык процедуралардан өтүүдө. Анын абалы канааттандырарлык деп бааланууда», — деп айтылат фонддун сайтында.

Белгилүү болгондой, Болат Назарбаев 2015-жылдан бери рак оорусунан дарыланып келген. Июль айынын аягында фонд анын абалы туруктуу жана оор экенин билдирген.

Буга чейин маалымат каражаттарында Болат Назарбаевдин ооруканада жаткан сүрөттөрү пайда болгон.

Булак: NazarNews.kg