Бишкек шаарында 245 унаага ылайыкташтырылган жер астындагы кабаты менен көп кабаттуу унаа токтотуучу жайдын салтанаттуу ачылышы болду. Иш-чарага мэр Айбек Джунушалиев, Бишкек шаардык кеңешинин депутаттары жана түзүмдүк бөлүмдөрдүн жетекчилери катышты.

Жаңы унаа токтотуучу жай Жукеев-Пудовкин көчөсүндө  жайгашкан жана шаардын актуалдуу инфраструктуралык муктаждыктарынын бирин, тургундар жана аймакка келген коноктор үчүн унаа токтотуучу жайларды камсыз кылуу жана короолорго болгон жүктү азайтуу максатын көздөйт.

Ачылыш аземинде мэр Айбек Джунушалиев бүткөрүлгөн долбоордун шаардык инфраструктураны өнүктүрүү жана тургундардын жашоо сапатын жакшыртуу үчүн маанисин белгиледи.

Долбоор Бишкек шаарынын мэриясынын тапшырмасынын алкагында ишке ашырылды. Жайдын жалпы аянты 11 000 чарчы метрден ашат. Унаа токтотуучу жай жер төлө жана жер үстүндөгү беш кабаттан турат, бул унаалар үчүн ыңгайлуу кирүү жана чыгууну камсыз кылат.

Долбоордун өзгөчөлүгү — имараттын чатырында спорттук инфраструктурасы бар пайдаланууга ылайыкталган аймактын жайгаштырылышы. Анда коопсуз жабдуусу бар үч теннис корту курулган. Бул Кыргызстанда биринчи жолу ишке ашырылган чечимдердин бири болуп саналат.

Имараттын фасады заманбап темир панелдерди колдонуу менен курулган жана светодиоддук экран менен толукталып, бүтүндөй курулуш үчүн заманбап архитектуралык көрүнүштү түзөт.

Долбоордун алкагында жанаша жайгашкан аймакты комплекстүү жакшыртуу иштери аяктады, ошондой эле №4/1 турак жай имаратынын короосун кошо алганда, подъезд жолдорунун асфальты  жаңыртылды, тротуарлар оңдолду,  Жукеев-Пудовкин көчөсүндөгү балдар аянтчасы жана коомдук транспорт аялдамасы реконструкцияланды.

Бул долбоордун ишке ашырылышы борбор калаанын транспорттук жана социалдык инфраструктурасын өнүктүрүүдөгү маанилүү кадам.