Казакстандын Караганда облусунда катуу бороон болуп, жол кырсыгынан бир адам каза тапты. Бул тууралуу казак басылмалары билдирүүдө.

Темиртау шаарына жакын жердеги Темиртау-Нур-Султан жолунда 13-февралда сегиз унаа кагышып кеткен. Анын ичиндеги экөөсү жүк ташуучу унаа.

Маалымат боюнча, жол кырсыгынын кесепетинен Лада-Грант унаасынын 36 жаштагы айдоочусу алган жаракатынан улам, ооруканада көз жумган.

Аталган факт боюнча кылмыш иши козголуп, сотко чейинки териштирүү иштери жүрүп жатат. Тиешелүү экспертизилар дайындалды.

Ошол эле күнү Нур-Султан-Темиртау жолундагы Ошаганда айылында 14 унаа жол кырсыгына кабылган. Бактыга жараша, жабыркагандар жок.

Булак: NazarNews.kg