Еврокомиссиянын (ЕК) башчысы Урсула фон дер Ляйен Евробиримдик өлкөлөрүнүн аскердик бюджеттери 2022-жылдан бери 20 пайызга өскөнүн айтты. Бул тууралуу ТАСС ЕК башчысынын Брюсселде сүйлөгөн сөзүнө таянуу менен билдирет.

Фон дер Ляйендин айтымында, коргонуу бюджеттеринин өсүшү акыркы жылдарда аскердик сектордун жетишсиз каржыланышын компенсациялай баштады.

Еврокомиссиянын башчысы Ирандын Израилге кайтарылган чабуулу Евробиримдик үчүн сабак болушу керек деди.

"Бул узак мөөнөттүү инвестиция жана коргонуу аракеттеринин маанилүүлүгүн көрсөтүп турат",- деди фон дер Ляйен.

Ал коргонууну чыңдоо үчүн “Европалык биримдикти” жана “Евробиримдиктин бирдиктүү рыногунун күчүн” колдонууга чакырды. Анын пикиринде, Евробиримдиктин ар кайсы өлкөлөрүнүн курал-жарак чыгаруусу жана коргонуу заказдарынын бөлүштүрүлүшү Брюсселден көзөмөлгө алынышы керек.

"Европадагы согуш мындан ары мүмкүн эмес",- деп баса белгиледи фон дер Ляйен.

Евробиримдиктин башкы дипломаты Жозеп Боррел буга чейин 2023-жылы Евробиримдик өлкөлөрү коргонууга ИДПнын орточо 1,7 пайызын жумшашканын айткан. Ал бул цифраны эки проценттен (НАТОнун өлкөлөрүнүн максаты) көбөйтүүгө чакырды.

Боррел ошондой эле Европанын коргонуу өнөр жайы “тез арада бурулушка” муктаж экенин баса белгиледи. Анын айтымында, украин кризиси башталгандан бери европалык армиялар жаңы техниканын 78 пайызын Евробиримдиктин чегинен тышкары сатып алышкан.

Булак: NazarNews.kg