БШК 64 мыйзам бузуу фактысы боюнча материалдарды укук коргоо органдарына жана прокуратурага жөнөткөн. Бул тууралуу шайлоо комиссиясынын мүчөсү Гүлнара Журабаева билдирди.
Анын айтымында, фактылар боюнча текшерүү жүрүп жатат, айрымдары боюнча сотко чейинки процесстер башталды.
18-сентябрдан 19-сентябрга чейин 445 миң жаран шайлоо дарегин өзгөрткөн. Анын айтымында, шайлоонун жыйынтыгына ишенбөөчүлүк добуш сатып алууга дагы түрткү бериши мүмкүн. Бирок, эч кандай билдирүүсүз жана эч кандай фото же видео далилсиз паракорчулукту далилдөө өтө кыйын.
4-октябрда Кыргызстанда Жогорку Кеңешке шайлоо өтөт. БШК депутаттыкка талапкерлердин тизмесин бекитти. Парламенттик шайлоого 16 партия ат салышууда.
