Коронавирус жана пневмонияга даттанып кайрылган жарандардын саны азайганына байланыштуу борбор калаадагы төрт стационар ишин токтотот. Бул чечимди шаардык эпидемияга жана эпизоотикага каршы комиссия кабыл алганын мэриянын басма сөз кызматы маалымдады. Ага ылайык, 18-августтан тартып Жайыл Баатыр көчөсүндөгү "Газпром" ишканасына таандык спорткомплексте ачылган стационар, "Чыгыш-5" кичирайонундагы спорт мектебиндеги, №68 мектеп-гимназияда жана №96 орто мектепте ачылган стационарлар ишин токтотот. Медициналык жабдуулар жана керебеттер зыянсыздандырылып, сактоого коюлат.

Кожомкул атындагы спорт сарайындагы күндүзгү жана 12-кичирайондогу "Бишкекнаабайкана" ишканасынын имаратындагы күнү-түнү иштеген стационар ишин улантат. 

Булак: NazarNews.kg