Орусия - Украина согушунан улам 1 миллион 209 миң 976 качкын Украинадан коңшу өлкөлөргө өттү. Бул тууралуу БУУнун Качкындар боюнча Жогорку комиссарлыгы билдирди.

Маалыматка караганда, 24-февраль менен 3-март аралыгында качкындардын көпчүлүгү Польшага, жалпы 1 миллион 209 миң 976  качкындын Украинадан коңшу өлкөлөргө өткөн. 

Польшага 649  миң 903, Венгрияга 144 миң 738, Молдовага 103 миң 254, Словакияга 90 миң 329, Румынияга 57 миң 192, Орусияга 53 миң 300, Беларуска 384 жана башка Европа өлкөлөрүнө 110 миң 876 качкындын баш калкалоо үчүн Украинадан чыгып кеткендиги айтылды.

Белгилей кетсек, БУУнун Качкындар боюнча комиссарлыгы Украинадагы кырдаал мындан ары курчуй турган болсо, 4 миллионго чейин жаран өлкөдөн чыгып кетиши мүмкүн экенин эскерткен.

Булак: NazarNews.kg