БУУнун баш катчысы Антониу Гутерриш пресс-брифингде Азербайжан менен Арменияны Тоолуу Карабактагы абалдын курчушуна байланыштуу сабырдуулукка чакырды.

"Башкы катчы Тоолуу Карабак чөлкөмүндө жана анын тегерегиндеги чыңалуу тууралуу акыркы кабарларды тынчсыздануу менен байкап жатат. Биз бул кабарларды тастыктай да, текшере да албасак да, биз тараптарды сабырдуулукка жана бардык чечилбеген маселелерди диалог аркылуу чечүүгө чакырабыз", - деп жазды Гуттериштин басма сөз катчысы.

Эске салсак, ушул аптада Азербайжан менен Армения ок атышпоо келишимин бузуу менен талаштуу аймакта провокация жасады деп бири-бирин айыпташты.

Булак: NazarNews.kg