Өлкөдөгү эң ири суу сактагычтардын бири болгон Токтогул суу сактагычында суунун агып келгенинен чыгышы төрт жарым эсе көп болууда. Бул тууралуу "Электр станциялар" ачык акционердик коомунун басма сөз кызматынан билдиришти.
"Бүгүн, 27-январга карата Токтогул суу сактагычындагы суунун көлөмү 10 миллиард 921 миллион 680 миң метр кубду түздү. Суунун орточо күндүк агып кириши секундасына 169 метр куб, агып чыгышы 794 метр кубду түзүүдө", - деп билдиришти басма сөз кызматынан.
Кечээ, 26-январда Токтогул суу сактагычында 10 миллиард 975 миллион 680 миң метр куб суу бар болчу.
Булак: NazarNews.kg
