Кытай элинин япон баскынчыларына каршы Күрөшүү согушунда жана Дүйнөлүк антифашисттик согуштагы Жеңиштин 80 жылдыгына карата Кытай Медиа корпорациясынын (CMG) Евразия бюросу Россиядагы Кытай элчилиги менен биргеликте Москва шаарында «Тынчтыктын жаңырыгы – Маданий-гуманитардык кызматташтыктын диалогу» аттуу салтанаттуу иш-чара өткөрдү. Ал 18-августта Эл аралык соода борборунда (ЦМТ) болду.

Видео кайрылуу менен ККП Борбордук Комитетинин Пропаганда бөлүмүнүн жетекчисинин орун басары, Кытай Медиа корпорациясынын башкы директору Шэнь Хайсюн чыгып сүйлөдү. Ошондой эле иш-чарада Россия Федерациясынын Федерация Кеңешинин Эл аралык иштер боюнча комитетинин биринчи төрага орун басары Андрей Денисов, Россиядагы Кытай элчилигинин убактылуу ишенимдүү өкүлү Чжан Вэй, Россия–Кытай достук коомунун төрага орун басары Иван Архипов, ошондой эле Россия Коргоо министрлигинин Аскердик университетинин профессору Вячеслав Зимонин сөз сүйлөштү.

Иш-чарага жүздөн ашык адам катышты. Алардын катарында Россия–Кытай достук коому, Ардагерлер комитети, РФнын Аскердик илимдер академиясы, «Жаш гвардия» уюму жана Кытайга согуш жылдарында жардам берген советтик ардагерлердин тукумдары болду.

 Иш-чарада «Улуу дубалдын балладасы: Темир жон» аттуу (эл аралык версиясы) фильм көрсөтүлүп, ошондой эле Кытай Медиа корпорациясы менен ВГТРКнын биргелешкен документалдуу долбоору – Улуу Жеңиш Кытай элинин япон баскынчыларына каршы күрөшү советтик кинооператордун объективинде тааныштырылды. Бул долбоор Кытай менен Россиянын тарыхый эс тутумунун өз ара байланышкандыгынын далили болду.

Программанын өзгөчө таасирдүү бөлүгү эки өлкөнүн өкүлдөрүнүн жүрөккө жакын баарлашуусу болду. Советтик ыктыярчы учкуч Тимофей Хрюкиндин кызы, Советтик ыктыярчы учкучтардын тукумдарынын ассоциациясынын төрайымы Наталья Хрюкина өз үй-бүлөсүнүн Кытай менен болгон байланышы тууралуу айтып берип, видеобайланыш аркылуу Чунцин шаарындагы советтик учкучтардын мүрзөлөрүн карап, сактап жүргөн Вэй Инсян менен сүйлөштү. Бул көрүнүш Россия менен Кытай элдеринин терең достугун айкын көрсөттү.

Иш-чаранын жыйынтыгында Наталья Хрюкина Советтик ыктыярчы учкучтардын тукумдарынын ассоциациясынын атынан Кытай Медиа корпорациясына баалуу белек тапшырды – «Достуктун канаттары: Советтик учкучтар Кытайда». Бул маанилүү белек Кытай элинин япон баскынчыларына каршы Күрөшүү согушунда жана Дүйнөлүк антифашисттик согуштагы Жеңиштин 80 жылдыгына арналган жүрөк толкуткан белек болду.

Булак: CGTN