Чаки өлтүргүч куурчак тууралуу тасманын сценаристи Жон Лафия 64 жашында өмүрүнө кол салды. Бул тууралуу чет элдик маалымат булактары жазып чыкты.

Маалыматка ылайык, Лафия 29-апрель күнү жанын кыйган. Бирок анын өлүмү тууралуу кабар 2-май күнү белгилүү болду.

"Биз Жон Лафиянын каза болгонун угуп нес болдук. Ал башына эле Чакинин "үй-бүлөсүнүн" маанилүү элементи болгон. Режиссёр Том Холланд, Жон Лафия жана мен "Балдар оюнуна" сценарий жазганбыз. "Балдар оюну-2" тасмасын Жон тарткан", - деп кесиптеши Дон Манчини эскерген.

Белгилей кетсек, маркум аталган тасмадагы куурчактын атын Чаки деп ойлоп тапкан жана анын "Салам, мен Чаки! Ойнойлубу?" деген фразасын да Жон Лафия ойлоп тапкандыгы айтылат.

Булак: NazarNews.kg