Жогорку Кеңештин депутаттары вице-премьер-министр Жеңиш Разаковдун сөзүн угушат. Тагыраагы, бүгүн 24-сентябрда, Эл аралык иштер, коргоо жана коопсуздук боюнча комитет чек арага байланыштуу парламенттин мурда чыгарган токтомдорунун жана чечимдеринин аткарылышы тууралуу өкмөттүн маалыматын угууну туура көрүшкөн.

Буга, 16-сентябрдагы Баткендин Максат айылына жакын жердеги кыргыз-тажик чек арачыларынын ортосундагы атышуу себеп болгон. Анда, кыргызстандык чек арачы Равшан Муминов курман болуп, 13 адам жаракат алган. Ал эми Тажикстан тараптан үч чек арачы каза болгону тууралуу маалыматтар бар.

Эми өкмөт баштагыдай, “сүйлөшүп жатабыз” деп тил эмизбей, олуттуу чечиле турган саясатты кабарлайт деп күтүп туралы.

Булак: "NazarNews.kg"