www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Алдамчылыкка шектүү жаран кармалганын Чүй облустук ички иштер башкармалыгынан билдиришти.
Маалыматка ылайык, 2025-жылдын 21-ноябрында Чүй облусунун ИИББна 1971-жылы туулган А.Ж. атту жаран белгисиз адамга карата чара көрүү өтүнүчү менен арыз менен кайрылган. Арыз ээсинин маалыматына ылайык, 2025-жылдын 30-сентябрында «М» аттуу белгисиз жаран Военно-Антоновка айылында жайгашкан «РИОМ» авто-базарынын жанында болуп, Казакстан Республикасынан Кыргыз Республикасына «Ак-Жол» көзөмөл-өткөрмө пункту аркылуу жалпы баасы 7 020 000 сомду түзгөн 65 баш жылкыны айдап өтүп берүүнү шылтоо кылып, алдоо жолу менен 2 000 000 теңге өлчөмүндөгү акча каражатын, ошондой эле жогоруда көрсөтүлгөн мал-мүлктү ээлеп алып, белгисиз тарапка качып кеткен.
Натыйжада арыз ээсине өзгөчө ири өлчөмдө – жалпы 7 330 400 сом суммада материалдык зыян келтирилген.
Бул факты боюнча Кыргыз Республикасынын КЖКнын 209-беренеси (Алдамчылык) боюнча кылмыш иши козголгон.
Ыкчам-издөө иш-чараларынын жүрүшүндө милиция кызматкерлери тарабынан аталган кылмышты жасоого шектелген жаран аныкталган. Ал - 1984-жылы туулган К.М. аттуу жаран. Ал Кыргыз Республикасынын КЖПКнын 96-беренесине ылайык кармалып, убактылуу кармоочу жайга киргизилген.
Учурда кылмыш иши боюнча болгон бардык жагдайларды аныктоого багытталган тергөө иш-чаралары улантылууда.
< Предыдущий
Следующий >
Последние новости
