Ысык-Атада спирт ичимдигин ичип отурган жарандар уруша кетип, бирөөсү каза болду. Бул тууралуу Чүй ОИИБден билдиришти.

Маалыматка караганда, 7-сентябрда саат 23:30 чамасында Кант шаарындагы 2 кичи райондо 3 киши спирт ичимдигин ичип отурушкан. Алардын ортосунда пикир келишпесик болуп, экөө эки бычак менен 2000-жылы туулган жаранды бир нече жолу сайышкан. Жаран ооруканага жеткирилген, бирок эсине келбей көз жумган.

Аталган факты боюнча ден соолукка оор залал келтирүү беренеси менен кылмыш иши козголду. Кылмышка шектүү катары 1987 жана 1990-жылы туулган жарандар кармалып, камакка алынды. Тергөө уланып жатат.