Чолпон-Ата шаарында 4-май күнү Эл аралык Ысык-Көл "Run the Silk Road" марафону өтөт. Бул туурасында Дене тарбия жана спорт департаменти билдирди.

Аталган жарышка ШКУга мүчө өлкөлөрдүн алдыңкы жөө күлүктөрү жана жеңил атлетика ышкыбоздору катыша алат. Марафондун катышуучулары 42,2, 21,1, 10, 3 чыкырым аралыкка чуркоо жана скандинавиялык басуу боюнча жарышат.

Быйыл 3000ге чукул адам катышары күтүлүүдө. Байге фонду 1,5 миллион сом экени айтылды.

Марафонго катышуу үчүн www. runthesilkroad.com шилтемеси аркылуу катталсаңыз болот.

Булак: NazarNews.kg