Кыргыз элинин, мамлекетинин канын соруп байып, жыргал турмушта жашаган коррупционерлер бүгүн акыркы кармашка чыгышты. Алар үчүн жеп ичкенин мамлекетке төгүп бергенге караганда жалданма армиясына чачып, карапайым элдин башын айлантып, 30 жыл көз таңмай ойногон оюнун кайра улантып акыркы кармашка чыккандары пайдалуу. Бул тууралуу пикирин Чолпонбек Абыкеев билдирди.

Ага кошумча, "Анткени кайра жеңишке жетип калуулары толук мүмкүн. Себеби аларда каражат жетиштүү. Тышкы карызды төлөп койгондон да эки эсе көп каражаттары бар. Жаңы бийликтин тарткан тузагы кекиртектеринен кыскан сайын чок баскан тооктой секирип тыбырай башташты. Башмыйзамдын долбооруна каршы чыгымыш болгон чуу көтөрүү, бул элдин башын айландырган эле шылтоо. "Эмне себеп таап чуу көтөрсөк?"- дешип коңулда жатышкан. Жалгыз карманышканы Башмыйзамдын долбоору болууда. Бул акыркы жана жалгыз таянууга мүмкүн болгон шылтоо. Бирок менимче бул аракеттери ишке ашпайт. Эл бүгүн саясый жактан жетик. Айткандары "Ушул Башмыйзамды кабыл алсак эле Түркмөнстандан да жаман болуп калат экенбиз". Айланайындар Түркмөндөр уктап жатканда А.Акаев ошондой Башмыйзам токуп, кабыл алдырып "Кетпес Хан болом"- деген. Эмне болду? "Өтө акылдуу тактикаларды колдонуп бийликтен кетпейм"- деген А.Атамбаев бүгүн каякта? Кыргызстанда бийлик башына келген акмак адам гана "Кетпес Хан болом"- деп кыялданбаса кичине башы иштеген адам антип ойлоно да албайт. Себеби Кыргызстанда таш жетиштүү. Башмыйзам иштебей калса,Таш мыйзам дайыма иштейт", - дейт Чолпонбек Абыкеев.

Булак: NazarNews.kg