Чыке гимнди жандуу ырдап Жогорку Кеңешти эки айлык эс алууга узатты
Расмий кабарлар  |   |  2046

VI чакырылыштагы КР Жогорку Кеңешинин экинчи сессиясы өз ишин аяктап эки айлык эс алууга кетти. Төрага Чыныбай Турсунбеков Жогорку Кеӊештин экинчи сессиясын расмий түрдө жабык деп жарыялап, эл өкүлдөрүнө ден соолук каалап, шайлоочулар менен жолугушууда парламенттин иши боюнча маалымат берип турууну баса белгиледи. Эл өкүлдөрү өтө жакшы тынымсыз сесияга катышкандыгы үчүн жана мыйзамдарды унчукпай кабыл бергени үчүнбү, төрага ыраазычылык билдирип, жакшы тилек айтып жолго салды.

Баса, VI чакырылыштагы КР Жогорку Кеңешинин экинчи сессиясынын жабылышына оркестр чакыртып, КР гимнин Төрага жандуу ыр менен ырдап жапты.

“Ушакчы” парламент деген макамга ээ болгон ЖК  КР Конституциясынын 77-беренесине ылайык, Жогорку Кеӊештин сессиясы сентябрь айында кайрадан күпүлдөп ишке киришет.

Ошентип бир нерсени кыйратып койгонсуп эл өкүлдөрү эс алууга кетти. Эми эл өкүлдөрү заты дар депуттар эмне кылат, президенттик шайлоолорго карата үгүт иштерин мыйзамсыз жүргүзөт.

Булак: NazarNews.kg

Поделитесь с друзьями