Баткен облусунда 118 ишеним телефону иштеп баштады. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматы билдирди.

Маалыматка караганда, 118 номуру түнү-күнү иштейт.

Облус тургундары коронавирус оорусуна байланыштуу маселелер, керектүү медициналык кеңештер боюнча жооп алса болот.

«Адистер жарандардын оорусунун белгилерине жараша, зарыл болгон учурда мобилдүү бригаданы жардамга жиберет», — дейт обладминистрация.

Белгилей кетсек, региондо эпидиомологиялык абал кескин курчуп, жугузгандардын саны күн санап көбөйүүдө. Саламаттыкты сактоо министринин орун басары Мадамин Каратаев жана бир катар медиктер облуска жөнөтүлдү.

Булак: NazarNews.kg