COVID-19 тесттери эки эсе кымбаттады

Журналист: МЭЭРИМАЙ АЛЫБЕКОВА

23.11.2020, 15:24

26759

борбордук азия жаңылыктары

Өзбекстанда пандемия маалында жеке дарыканалар антивирустук препараттардын баасын кымбаттатып жиберишкен. Жеке клиникалар тест жүргүзүү кызматын дээрлик эки эсеге – 250дөн 400 миң сумга (24-38 доллар) көтөрүшкөн.

Быйыл май-июнь айларында Экономикалык иликтөөлөр жана реформалар борбору сурамжылоо жүргүзүп, ага 3 миң 670 киши катышкан. Респонденттер пандемия учурунда вируска каршы дары-дармектер өтө кымбаттап кеткенин билдиришкен.

Сурамжылоого катышкандардын 74% кирешелери кыскарганына, 58% жумушсуз калганына даттанышкан.

Мындан тышкары пандемия маалында респонденттер башка да көйгөйлөргө туш болушканын белгилешкен.

Алардын арасында:

1. Күнүмдүк кызмат көрсөтүүдөгү көйгөйлөр (36%)

2. Мектепке чейинки билим алуу (32%);

3. Орто билим алуу (31%);

4. Азык-түлүктөрдүн баасынын кымбаттоосу (23%);

5. Коммуналдык төлөмдөр боюнча карыздар (15%);

6. Стресс жана тынчсыздануу (9%);

7. Жакынкы дүкөндөрдө азык-түлүктүн тартыштыгы (6%) түзгөн

Сурамжылоого катышкандардын 25% жашоо шарты төмөндөгөнүнө даттанышкан. Ага карабай, респонденттердин 75% абал жакшы жагына өзөрүлөрүнө ишене турганын билдиришкен.

Булак: NazarNews.kg