-- Дастан агай, акыркы учурда кыргыздар тамак-ашка өтө чоң маани бербей коюшту. Дегелек кыргыздын ашпозчулук өнөрүнө токтоло кетсеңиз.

-- "Сүт азыктын негизинде: айран, сүзмө, курут, чалап, каймак, быштак, сары май, эжигей ж.б. Эт азыктын негизинде тамак-аштын 40-50 түрүн ар бир кыргыз кыйналбай айтып берет.

Талкандын түрлөрүнөн  жарма, шоро, максым, бозо, майталкан; майга көөлөгөн таруу, бадырак, каттама ж.б. айтсак болот.

Бир өзгөчөлүк: кыргыз тамак-ашы жөнөкөй, бирок күчтүү жана пайдалуу болгон. “Аш көп болсо каада көп болот” – деп, кыргыз түркүн тамак-ашты жактырган эмес. Көп адамдар түркүн тамак-аш жасап, аны кооздоп, кекиртектин кулу болгон көрүнүш кыргызда болгон эмес", - дейт Сарыгулов.

Булак: NazarNews.kg