Депутат Айзаданын өлүмү боюнча: Менин оюмча бул кылмыш атайын жасалган
Саясат  |   |  664

Бишкек ШИИБдин жетекчисинин маалымат жыйынынан кийин Айзаданын окуясы мажбурлап никеге тургузуу максатында ала качуу беренеси менен туура эмес квалификацияланганы түшүнүктүү болду. Бул тууралуу бүгүн, 8-апрелде Жогорку Кеңештин жыйынында депутат Айсулуу Мамашева билдирди.

«Менин оюмча бул кылмыш атайын жасалган. Анткени шектүүнүн жанында бычак болгон. Ал Айзаданы үйүнө алып барбай, талаага алып барган. Мен муну мажбурлап никеге тургузуу деп эсептебейм, ошондуктан мен беренени кайра квалификациялоону суранам.

Эгерде биздин мырзалар аялдарга карата зомбулукка, ала качууга жол берсе, анда аял кишини министр кылалы. Бул башаламандыктын чеги. Биз баарын салт-санаа менен актайбыз. Биз зордукчуну, адам өлтүргүчтү, судьяларды актайбыз. Качанкыга чейин эркектерди актай беребиз? Аялдар адам эмеспи?», - деди депутат.

Булак: NazarNews.kg

Поделитесь с друзьями