www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
Жогорку Кеңештин депутаты Кубанычбек Самаков Башпрокурордун орун басары Үмүткан Конкубаевадан мурдагы Башпрокурор Аида Саляновага карата козголгон кылмыш иши тууралуу сурады.
«Айыпталуучу, же шектүү ооруп, же каза болуп калган учурда анын чөйрөсү кеңейтилет деп айтып жатасыздар. Эсиңиздерде болсо 2013-жылы кримтөбөл Азиз Батукаевди дал ушундай жасалма документ менен эртең өлөт деген шылтоо менен абактан бошотуп жиберишкен. Мына ошол иш боюнча канча киши шектүү деп табылып, жазасын алды? Кайсы инстанцияга жетти? Дал ушул иш боюнча өтүп жаткан мурдагы Башпрокурор Аида Салянованын азыркы статусу кандай?», — деген суроо узатты.
Башпрокурордун орун басары Үмүткан Конкубаева бул маселе боюнча кат түрүндө жооп берерин айтып, бул иш боюнча так маалыматы жок экенин айткан.
Эскерте кетсек, Ленин райондук соту 2017-жылы октябрда чечим чыгарып, аны "Кызматынан кыянат пайдалануу" беренеси боюнча айыптуу деп тапкан. Беш жылга эркинен ажыратуу жана үй-мүлкүн конфискациялоо өкүмү угузулган. Аны күчүндө калтырган шаардык соттун чечиминен кийин 2018-жылы мартта Салянова депутаттык мандатынан ажыратылган. Жазаны баласы он төрт жашка толгондо аткармак.
< Предыдущий
Следующий >
Последние новости
