www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жогорку Кеңештин депутаты Дастан Бекешев 1-февралдан тарта күчүнө кире турган такси ишмердүүлүгүн милдеттүү лицензиялоонун мөөнөтүн жылдыруу демилгеси менен чыкты. Эл өкүлү жаңы эрежелер белгиленген мөөнөттө иштей баштаса, анын терс социалдык-экономикалык кесепеттери болушу ыктымалдыгын эскертти.
Депутаттын маалыматына таянсак, учурда 7 миңден ашык гана айдоочу лицензияга ээ болгон, ал эми республика боюнча таксисттердин жалпы саны 60 миңден 70 миң адамга чейин жетет. Бекешев мыйзамдуу ташуучулардын санынын он эсеге кыскарышы рынокто сунуштун таңкыстыгына алып келерин баса белгиледи. Натыйжада, жол киренин орточо баасы азыркы 200–300 сомдон 700–800 сомго чейин жогорулашы мүмкүн.
Мындан тышкары, парламентарий угуу мүмкүнчүлүгү чектелген жарандардын лицензия алуу үчүн медициналык кароодон өтүүдөгү кыйынчылыктарына токтолду. Ошондой эле соттуулугу бар жарандар жана өлкөгө кайтып келген эмгек мигранттары кирешесиз калуу коркунучуна кептелди. Депутат сектордогу жапырт жумушсуздуктун алдын алуу жана калк үчүн кызматтардын жеткиликтүүлүгүн сактоо максатында Министрлер кабинетин лицензиялоонун мөөнөттөрүн жана шарттарын кайра карап чыгууга чакырды.
< Предыдущий
Следующий >
Последние новости
