www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 26-февралда Жогорку Кеңештин жыйынында коронавирус оорусу талкууланды. Анда депутат Улукбек Ормонов бет кап тууралуу агынан жарылды.
Анын айтымында, биздин өлкөдө Саламаттык сактоо министрлиги ишканалар менен иштебейт. Коронавируска каршы чаралар жеткиликтүү көрүлбөй жатат.
“Биздин медициналык ишканалар менен Саламаттык сактоо министрлиги таптакыр иштебейт. Канча дары сатылып жатканын да билишпейт. Бир айдан бери бет кап чыгарган компаниялар менен сүйлөшүүлөр болгон жок. Жөнөкөй эле нерсе (маска) ушуну өзүбүз эле чыгарсак болбойбу? Эпидемиянын башталганына канча болду, отурабыз азыр аптекада жок деп”,-деди ал.
Мындан тышкары, Ормонов бет кап тигүүчү ишкана бизде барбы жана кимдер менен сүйлөшүлүп жатканы тууралуу министрликке суроо салды.
Министрлик элчилик аркылуу Түркиялык компания менен сүйлөшүлөр болуп атканын билдирген. Бирок депутат бул чындыкка дал келбесин белгиледи.
“Түркиянын элчиси жалган айтып атат. Алар баардыгына чектөө койгон. Түркиядан бет кап тиге аласыңарбы деп сурап жатышат. Болбогон сөздү айта бересиңерби”,-деди Ормонов.
Булак: NazarNews.kg
< Предыдущий
Следующий >
Последние новости
