Бишкек шаарынын мэриясынын жер пайдаланууну контролдоо боюнча башкармалыгы «Дордой» базарынын түндүк тарабындагы жол жээгиндеги объекттерди бузуп жатат.

Жалпысынан 5 объект жарактан чыгарылып, 218 чарчы метр муниципалдык жер бошотулду. Мындан тышкары 5 объект ээлери тарабынан демонтаждалган. Буга чейин мэриянын муниципалдык мүлктү башкаруу боюнча департаменти демонтаждалган объекттердин ээлери менен ижара келишимин бузган.

«Буга байланыштуу муниципалдык жерлерди бошотуу жөнүндө эскертүү жиберилип, мүлк ээлери менен түшүндүрүү иштери жүргүзүлгөн», - дейт мэрия.

Булак: NazarNews.kg