www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстанга дүйнөдөгү эң ири аба кемеси эмнеге учуп келгенин "Манас" эл аралык аэропортунун маалымат кызматы айтып берди.
Ан-225 "Мрия" самолетунун учуп келгени тууралуу маалымат эки күн мурда айтылган. Алп учак эмне себептен "Манаска" келип конгону социалдык тармактардын колдонуучуларынын кызыгуусун арттырууда.
Аэропорттун маалымат кызматынын билдиришинче, Ан-225 Кыргызстанга техникалык себептерден улам конгон. "Техстоп" — бул учактар аэропортто 24 саатка чейин токтоп турушу. Алар жүк түшүрбөйт жана жүктөбөйт. Ачык булактардан белгилүү болгондой, май куюу же экипажды алмаштыруу үчүн кыска убакытка аялдама болушу мүмкүн.
Бул уникалдуу аба кемеси 1984-1988-жылдары Киев механикалык заводунда иштелип чыгып, бир нускада жасалган. 1988-жылдын декабрында алгачкы ирет асманга көтөрүлгөн. Ан-225 учагын курууга "Буран" космостук кеме долбоору үчүн аба-транспорт системасын түзүү зарылчылыгы себеп болгон.
Ан-225 "Мрия" (украин тилинен которгондо "кыял") — дүйнөлүк авиация тарыхында эң ири жана көп жүк көтөрө алган учак. Май толук куюлган учурда 15 миң чакырымды учуп өтө алат.
Кыргызстанга бул учак үчүнчү ирет келип жатат, буга чейин 2013 жана 2018-жылдары "Манас" аэропортуна конгон.
Булак: NazarNews.kg
< Предыдущий
Следующий >
Последние новости
