Кыргыз Республикасынын Эмгек, социалдык камсыздоо жана миграция министри Канат Сагынбаев министрликтин тутумунда 2025–2026-жылдардагы күз-кыш мезгилинин өтүшүнө мониторинг жүргүзүүнүн алкагында Сүлүктү шаарындагы улгайган жарандар үчүн социалдык стационардык мекемеге барды.

Сүлүктү шаарындагы сапарынын жүрүшүндө министр кызмат алуучулардын жашоо шарттары менен таанышып, мекеменин учурдагы муктаждыктарын баалады. Азыркы тапта мекемеде 14 жаран кызмат алууда.

Мекеменин директору кызмат алуучулар үчүн ыңгайлуулук жана коопсуздук деңгээлин мындан ары жогорулатуу максатында имаратты жаңыртуу жана модернизациялоо зарылдыгын билдирди.

Канат Сагынбаев социалдык кызмат көрсөтүүлөрдүн сапатын жогорулатуу боюнча системалуу жана ырааттуу иш алып баруунун, ошондой эле мамлекеттин камкордугундагы жарандар үчүн коопсуз, жылуу жана жайлуу шарттарды түзүүнүн маанилүүлүгүн белгиледи.

Министрликтин карамагында 17 социалдык стационардык мекеме бар. Ведомствонун маалыматына ылайык, алардын төртөө көмүр менен, үчөө аралаш режимде (көмүр жана электр энергиясы), тогузу электр жылытуу системасы менен жылытыла турган. Социалдык стационардык мекемелерде күз-кыш мезгили штаттык жана туруктуу режимде өтүүдө.

Үзгүлтүксүз жылуулук менен камсыздоону камсыз кылуу үчүн 2025–2026-жылдарга 1708,2 тонна көмүр даярдалып, бүгүнкү күндө анын 621,4 тоннасы калган. Бардык социалдык стационардык мекемелерде ыңгайлуу температуралык режимди сактоо үчүн керектүү отун запастары бар.