Эмгек, социалдык камсыздоо жана миграция министрлиги май айындагы эс алуу күндөрүнүн алдында иш берүүчүлөргө жана кызматкерлерге майрам күндөрү иштөөнү жөнгө салган эрежелерди эскертет.

Май айында төмөнкүдөй майрам күндөрү белгиленген:

1-майдан 4-майга чейин, 6-майдан 8-майга чейин - май каникулдары;

5-май - Конституция күнү;

9-май - Жеңиш күнү.

Дем алыш жана майрам күндөрү кайсы учурда иштөөгө жол берилет?

Эмгек кодексинин 67-беренеси кызматкерлерди бул күндөрү ишке тартууга чектөө киргизет.

Иштөөгө төмөнкү учурларда гана жол берилет:

1. Өзгөчө кырдаалдарда (кырсык, табигый кырсык, мүлккө коркунуч).

2. Үзгүлтүксүз өндүрүштөрдө (мисалы, энергетика, транспорт, коммуналдык кызматтар).

3. Калкты тейлөө чөйрөлөрүндө (медицина, коомдук транспорт, уруксат берилген график менен иштеген дүкөндөр).

4. Чыгармачыл кызматкерлер, спортчулар жана ЖМКлар үчүн – өзүнчө регламент боюнча.

Дем алыш жана майрам күндөрү иштөө кызматкердин жазуу жүзүндөгү макулдугу менен гана мүмкүн.

Кош бойлуу аялдар жана майыптар медициналык каршы көрсөтмөлөр жок болгон учурда гана жумушка тартылышы мүмкүн.

Дем алыш жана майрам күндөрү иштөө кандайча компенсацияланат?

Эмгек кодексинин 67-беренесинин 7-бөлүгүнө ылайык, иш берүүчү төмөнкүлөрдү берүүгө милдеттүү:

ар бир иштеген майрам күнү үчүн эки эселенген төлөм же кошумча эс алуу күнү берилет (кызматкер менен макулдашуу боюнча).

Дем алыш жана майрам күндөрүндөгү өргүү

Өргүү мезгилине туш келген майрам күндөрү өргүүнүн календардык күндөрүнүн санына кирбейт жана акы төлөнбөйт.

Эгерде кызматкердин өргүүсү майрам күндөрүнө туш келсе, анда ал узартылат. Мисалы, эгерде кызматкер 10-апрелде өргүүгө чыкса, анда өргүү 7-майда эмес, 16-майда аяктайт, анткени 1-майдан 9-майга чейин майрам күндөрү.