Үстүбүздөгү жылдын 1-апрелинен тарта жеке жана юридикалык жактардан, мамлекеттик органдардан берилчү маалым каттар менен документтерди кагаз түрүндө талап кылуу жол-жобосу жоюлду. Бул тууралуу өкмөттөн билдирди.

Тийиштүү чечимге премьер-министр Улукбек Марипов кол койгон.

Мамлекеттик органдар жана жергиликтүү өз алдынча башкаруу органдары тарабынан мамлекеттик жана муниципалдык кызмат көрсөтүүдө берилүүчү маалым каттардын жана документтердин тизмеси:

1. Салык төлөөчүнүн салыктык карызы жоктугу жөнүндө маалым кат;

2. Камсыздандыруу төгүмдөрү боюнча карызы жоктугу жөнүндө маалым кат;

3. Салык каттоосу жөнүндө маалым кат;

4. Пенсия алуу фактысы жөнүндө маалым кат;

5. Камсыздандырылган жактын жеке камсыздандыруу эсебинен көчүрмө;

6. Ишкерлик иш жөнүндө маалым кат;

7. Кыймылдуу мүлкү бар экендиги жөнүндө маалымат;

8. Каза болгондугу жөнүндө күбөлүктөн маалымат;

9. Даректик маалым кат;

10. Бодо малдын бар экендиги жөнүндө маалымат;

11. Кыргыз Республикасынын жарандыгына таандык/таандык эместиги жөнүндө маалым кат;

12. Кыймылсыз мүлкү жоктугу жөнүндө маалым кат;

13. Товардык белгилер боюнча маалымат;

14. Кыргызстандын аймагында соттолгондугу же соттолбогондугу жөнүндө маалымат (толук эмес маалым кат);

15. Аскер кызматын өтөгөндүгүнө байланыштуу социалдык кепилдиктерди пайдаланган, башка мамлекеттердин аймагындагы күжүрмөн аракеттерге катышкандыгы жөнүндө маалымат;

16. Психоневрологиялык диспансерде каттоодо турбагандыгы жөнүндө маалымат;

17. Наркологиялык диспансерде каттоодо турбагандыгы жөнүндө маалымат;

18. Юридикалык жактардын, филиалдардын бирдиктүү мамлекеттик реестринен көчүрмө;

19. Никеге туруу жөнүндө күбөлүгүнөн маалымат;

20. Туулгандыгы тууралуу күбөлүгүнөн маалымат;

21. Никеден ажыратуу жөнүндө күбөлүгүнөн маалымат;

22. Саламаттык сактоо жана социалдык өнүктүрүү министрлигинин алдындагы Милдеттүү медициналык камсыздандыруу фонду боюнча камсыздандырылгандыгы статусу жөнүндө маалым кат;

23. Патенттин көчүрмөсү;

24. Иштеген жеринен маалым кат;

25. Жумушсуздун расмий статусу жөнүндө маалым кат;

26. Медициналык-социалдык эксперттик комиссиянын маалым каты (майыптыгы жөнүндө күбөлүк);

27. Жумушка жарамсыздыгы жөнүндө барак (эмгекке жарамсыздык барагы);

28. Чернобыль атомдук электр станциясындагы авариянын кесепеттерин жоюуга катышкандыгы жөнүндө маалым кат;

29. Күжүрмөн аракеттерге катышкандыгы жөнүндө маалым кат (Улуу Ата Мекендик согуш);

30. Кыргыз Республикасынын Коргоо министрлигинин линиясы боюнча пенсиялык камсыздоо жөнүндө маалым кат;

31. Кыймылдуу мүлккө карата талап укуктарынын бирдиктүү мамлекеттик реестринен көчүрмө;

32. Медициналык ишке лицензия;

33. Спорттук наамдары бар экендиги жөнүндө маалым кат;

34. Бошотулгандыгы жөнүндө маалым каттын дубликаты;

35. Диний уюмду эсепке алууну каттоо жөнүндө күбөлүк;

36. Кыймылсыз мүлктү камакка алуу жөнүндө маалымат;

37. Кыймылдуу мүлктү камакка алуу жөнүндө маалымат;

38. Улуттук паспорттор жөнүндө маалымат;

39. Аталыгын аныктоо жөнүндө маалымат;

40. Жубайы, балдары жана ата-энеси жөнүндө маалымат;

41. ФАА алмаштыруу жөнүндө маалым кат;

42. Үй-бүлөлүк статусу жөнүндө маалымат.

Белгилей кетсек, ушул тизмектин 8, 19, 20, 21, 39, 40, 41 жана 42-пунктуларында көрсөтүлгөн жарандык абалдын актылары жөнүндө маалым кат же документтерди кагаз түрүндө суроону жоюу 2015-жылга чейин катталган жарандык абалдын актыларына жайылтылбайт.

Булак: NazarNews.kg