Убакыттын өтүшү менен «Ташиев салдырган, Ташиев курган...»  деген сөз ооздон-оозго өтүп айтылып кала берет. Мындай пикирин саясатчы Эмилбек Каптагаев өзүнүн Facebook баракчасына жазып чыкты.

«Учурда Генерал-лейтенант Камчыбек Ташиев аймактардагы коопсуздук кызматтарынын кеңселерин жана кызмат батирлерин куруп жатканы боюнча ар кандай айтып жатышат. Орустарда «дела проходят, а деяния остаются»- деген сөз бар, кыргызча «иштегениң унутулат, жасаганың калат» - десе болчудай.

Ошол сымак эмне деп айтпайлы, эмне деп сындабайлы, кийин убакыттын өтүшү менен «Ташиев салдырган, Ташиев курган...»  деген сөз ооздон-оозго өтүп айтылып кала берет.

Кандай болгон күндө дагы конкреттүү практикалык иштер бүткөрүлүп жатканы, кызматтагы адамдардын иштөө-жашоо шарттары жакшырып жатканы колдоого арзыйт», - деп белгилеген Эмилбек Каптагаев.

Булак: NazarNews.kg