Борбор Азияда аскердик база түзүү маселеси азыр күн тартибинде турган жок. Мындай пикирди Вашингтон Улуттук коргонуу университетинин профессору, эксперт Эрика Марат массалык маалымат каражаттарына билдирди. 

--"Борбор Азияда аскердик база түзүү маселеси азыр күн тартибинде турган жок, муну Байдендин администрациясынын билдирүүлөрүнөн байкаса болот. Кыргызстанда мурдагыдай АКШ аскердик базасы курулат деп айткандан алысмын.

Кыргызстанга караганда Өзбекстан менен Тажикстанда аскердик база түзүү ыктымалдуулугу жогору. АКШ менен Борбор Азия өлкөлөрүнүн ортосундагы эки тараптуу мамилелер улана берет, бул Ооганстандагы окуялардын өнүгүшүнө жараша да болот. Бирок бул мамилелер сөзсүз түрдө аскердик база түзүүгө гана багытталбайт", - дейт профессор. 

Булак: NazarNews.kg