Быйыл дүйнө жүзүндө ачарчылык болушу мүмкүн деген кооптонуулар бар. Бул тууралуу өкмөт үйүндөгү маалымат жыйында айыл чарба, тамак-аш өнөр жайы жана мелиорация министри Эркинбек Чодуев билдирди.

«БУУнун жана башка дүйнөлүк эксперттердин айтымында, дүйнө жүзүндө ачарчылык болушу мүмкүн деген кооптонуулар бар. Ошондуктан бир да сотук жерди таштабай, өзүбүзгө керектүү болгон буудайды, май өсүмдүктөрүн жана башка өсүмдүктөрдү тигүүгө чакырам. Буга жергиликтүү бийлик көп көңүл бурушу керек.

Быйыл суу тартыштыгы байкалат. Ар бир литр сууну үнөмдүү пайдалансак. Сиздерди тамчылатып сугаруу, күнөсканаларды колго алат деп ойлойм», — деди ал.

Булак: NazarNews.kg