Фейсбукка ээлик кылган Meta компаниясы, улут, саясий көз караш, дин, ден соолук жана сексуалдык ориентация сыяктуу «кылдаттуу» темаларга байланыштуу жарнамаларды көрсөтүү мүмкүнчүлүгүн алып сала турганын билдирди. Бул тууралуу чет элдик басылмалар жазышты.

«2022-жылдын 19-январынан тартып, биз адамдарга кылдат каралган темаларга байланыштуу максаттуу жарнама коюуну алып салабыз», — деп айтылат компаниянын билдирүүсүндө.

Детализациялоо – бул жарнамаларды көрсөтүү үчүн адамдардын тобун так аныктоого мүмкүндүк берүүчү механизм. Компаниянын веб-сайтынан төмөнкүдөй, «деталдуу таргетингдин алкагында сиз максаттуу аудиториянын демографиялык маалыматтарын, кызыкчылыктарын жана жүрүм-турум өзгөчөлүктөрүн көрсөтө аласыз».

Темалардын конкреттүү мисалдарынын арасында компания «химиотерапия», «бир жыныстуу нике», «католик чиркөөсү», «саясий ишмерлер» жана башкаларды келтирген.

Алдыда колдонуучулар жарнамаларды тандоо үчүн көбүрөөк мүмкүнчүлүктөргө ээ болот.

“Бүгүнкү күндө адамдар саясат, бала тарбиялоо, алкоголдук ичимдиктер жана үй жаныбарлары тууралуу жарнамаларды азыраак көрүүнү тандай алышат. Кийинки жылдын башында биз жарнамалык мазмунга, анын ичинде кумар оюндарына жана арыктоо темаларына көбүрөөк көзөмөл жүргүзөбүз”, — дейт компания.

Эске салсак, октябрь айынын аягында Марк Цукерберг Facebook атын Meta деп өзгөртөрүн, бирок компаниянын программалык продуктыларынын аталыштары ошол бойдон кала берерин билдирген.

Булак: NazarNews.kg