Генерал Киязов: "Москвадан Кыргызстанга салам!"

Журналист: NAZARNEWS

24.09.2019, 4:37

23988

кылмыш жана кырсык

2019-жылдын 22-сентябрь күнү милициянын отставкадагы генерал-майору Кемелбек Киязов 42 чакырым 195 метр аралыкка чуркоо боюнча жетинчи Москва эл аралык марафонунда катышты. Аталган иш-чарага катышуу үчүн 85 өлкөдөн 22 миңден ашык спортчулар келген.

Марафон Москва шаарынын эң кооз көчөлөрүндө өткөнү менен, бул күнү күн суук, катуу шамал болуп, кар аралаш жаан жааган.

Аба ырайынын оор шартына карабастан, генерал-майор Кемелбек Киязов 42 чакырым 195 метр аралыкка чуроо марафонунда жеке өзүнө рекорд жасады. Анын жыйынтыгы 4 саат 01 мүнөт болду.

Жаш курактары боюнча катышуучуларды жана жеңүүчүлөрдү 2019-жылдын 3-октябрь күнүнөн кийин сыйлашмакчы.

Фиништен кийин Кемелбек Киязов билдиргендей, бул Москва марафонундагы чуркоону-Кыргыз милициясынын 95 жылдык мааракесине арнаган. Ошондой эле, жөө күлүк генералыбыз Кыргызстанда туруктуулук, бейпилдик жана тартип болушун каалап кетти, деп билдирди ИИМдин Басма сөз кызматы.

Булак: NazarNews.kg