Берлин энергетикалык катастрофаны болтурбоо үчүн Москвага каршы "маанисиз санкция саясатынан" баш тартышы керек. Бул тууралуу "Германия үчүн альтернатива" (AfD) партиясынын лидери Тино Хрупалла билдирди.

"Орусияга караганда Германияга көбүрөөк зыян келтирген маанисиз санкция саясатын токтотуу керек. Ошол эле учурда "Түндүк Агым 2" долбоорун ишке киргизүүгө тыюу салынбашы керек", - деп саясатчынын сөздөрүн келтирет Freie Welt.

Хрупалла 1-октябрдан тартып кучуне кире турган газды белуштуруу боюнча Германиянын екметунун планына да токтолду. Партия башчысынын айтымында, Орусиядан келген газдын ордуна кымбат баалуу альтернативаларды сатып алууга аргасыз болгон газ концерндеринин чыгымдарын тургундарга тартпаш керек.

Эске салсак, Bloomberg басылмасынын алдында Германиянын алдыдагы кыш мезгилинде жаратылыш газынын жетишсиздигинен улам келип чыгышы мүмкүн болгон апааттын алдын алууга үч ай убакыт калганын билдирген. Анын ичинде макаланын авторлору Берлиндеги президенттик сарай түндө жарыктандырылбай калганын, ал эми Ганноверде спорт залдардагы душтарда ысык суу өчүрүлгөнүн жарыялашты.

Булак: NazarNews.kg