Жайкы каникулда Германияга иштегени келген кыргызстандык студенттер Кыргызстандын Германия Федеративдүү Республикасындагы элчиси Өмүрбек Текебаевден жардам сурап жатышат.

Маалыматка ылайык, 150дөн ашык студент Германияга Уникалдуу Азия аркылуу барган. Кайрылууга кол койгондор эмгек шарттарына нааразы болуп, элчиликтен Шенген визасын узартууга жардам берүүнү суранышкан.

«Биз иштей баштагандан кийин келишимдин көп пункттары бузула баштады. Бизге кулпунай терүүчү Erdbeerhof Osterloh компаниясы саатына 10,02 евро төлөп берет деп убада кылышкан. Бир куту кулпунайдын баасы 3,34 евро экенин окуучулар билишкен эмес. Убадаланган €10,02 алуу үчүн студент саатына үч куту чогултушу керек. Кээ бирлери келгенине эки жума болгондон кийин бир саатта үч ящик кулпунай тере албагандыктан жумуштан бошотулган. Тапкан 300 еврого үйлөрүнө кайтууга билет да ала албай калышты», — деп жазган Шербол Мелисбек уулу.

Ал кошумчалагандай, иштөө графигинде да бузуу фактылары каттала баштаган.

«Бизге жумуш 6:00дөн 15:00гө чейин боло тураганын айтышкан. А чындыгында биз талаага 4:15те чыгып 18:00гө чейин иштеп жаттык. Бир саат түштөнүүгө кетирчүбүз. Көптөгө студенттер өздөрүнун чыгымдарын жаба алышкан жок. Ар бир компаниянын кызматтары үчун 350 евро берген. Жалпысынан алганда студенттин чыгымы 100 миң сом болгон», — дейт студент.

Студенттерди ал жакка жөнөткөн компания студенттерге башка жумуш таап, тазалык кызматында, буга да керектүү документтерди даярдоо үчүн 100 евро төлөшү керек болгон.

«Биз, беш студент, Raimov Service GmBHде иштей баштадык. Иш сентябрь айына чейин, визабыз 15-августка чейин. Азыр көптөгөн студенттер мыйзамсыз иштеп жатышат. Көпчүлүгү көчөдө калып, компания берген контейнерлерде жашап калышты. Студенттер бул экономикалык жактан күчтүү өлкөдө өз чыгымдарын жаап, бир нерсе тапкысы келет. Баары бул жакка келгенине капа болушту. Визабыздын бүтүшүнө 20дай күн калды», — деди Шербол Мелисбек уулу.

Студенттер Шенген визасын узартуу өтүнүчү менен Кыргызстандын Германиядагы элчиси Өмүрбек Текебаевге кайрылышты.

Тышкы иштер министрлиги кырдаалды элчилик тез арада изилдеп, иликтей турганын билдирди.

Булак: NazarNews.kg