Грузия парламентинин алдындагы нааразылык акциясында оппозиция өкмөттү отставкага кетирүүгө жана чет элдик агенттер боюнча мыйзам долбоорунун каралышына байланыштуу мөөнөтүнөн мурда шайлоо өткөрүүгө чакырды, деп билдирет Рустави 2.

Бийлик буга чейин митингчилердин башка талаптарын аткарган – мыйзам долбоору колдоо таппай, демонстрацияда кармалгандардын баары бошотулган.

Грузияда митингдер бир нече күндөн бери уланууда. 8-мартта демонстранттар менен укук коргоо органдарынын кызматкерлеринин ортосунда кагылышуу болуп, акциялар тополоң менен коштолгон. Андан соң полиция көздөн жаш агызуучу газ жана суу аткычтар менен демонстранттарды парламенттин жанындагы аймактан чыгарууга жетишкен. Бийлик мыйзам долбоорунун талаптарын аткарганы менен 9-мартта нааразылык акциялары уланган. Оппозиция митингдерди улантууну пландоодо.

Оппозиция мыйзам долбоорун орусиячыл деп эсептейт, бирок анын демилгечилери муну четке кагууда. Документ Евробиримдик менен АКШ тарабынан сынга алынды: европалык дипломатиянын башчысы Жозеп Боррел бул долбоор Тбилисинин Грузияга болгон умтулуусуна карама-каршы келет деп билдирди, Мамлекеттик департаменттин басма сөз катчысы Нед Прайс документти «Кремлден шыктанган» деп эсептейт. Кремль бул демилгеге эч кандай тиешеси жок экенин билдирип, АКШда чет элдик агенттер жөнүндөгү мыйзам 1930-жылдардан бери иштеп келе жатканын эске салды.

Булак: NazarNews.kg