Гуля Алмамбетова билим берүү жана илим министри Каныбек Иманалиевдин кеңешчиси болду. Бул тууралуу аталган министрликтен билдиришти.

Маалым болгондой, Гуля Алмамбетова министрдин коомдук башталыштагы кеңешчиси болуп дайындалды. 
 

Гуля Алмамбетованын эмгек жолу:

Эмгек жолун маалымат, билим берүү жана маданият тармагындагы коомдук бирикмелерде иштөөдөн баштаган. Бир катар ЖМКларда эмгектенген. Кыргызстан студенттер союзунун маалымат кызматын жетектеген.

1999-2001 ― Кино үйүндө директордун орун басары, Кыргыз кинематографисттер союзунда продюсер;

2001-2005 ― Москванын Кино үйүндө КМШ кинематографисттер союзунун КМШ кинофоруму боюнча менеджер (Россия);

2013-2015 — «Нарисан ДИГ» ЖЧКсынын директору;

2014 ― «Аялдар саясатта» маалыматтык саясат концепциясынын автору, Кыргызстанда адам укуктары боюнча альтернативалуу маалыматты иштеп чыгууда эксперт катары эмгектенген;

2015 ― Бишкек шаарынын мэринин коомдук кеңешчиси;

2015-2017 ― Бишкек шаардык мэриясынын коомчулук менен байланыш бөлүмүнүн жетекчиси;

2017 ― Борбордук шайлоо комиссиясынын төрагасынын коомдук кеңешчиси;

2018-2020 ― Бишкек шаарынын мэринин коомдук кеңешчиси.

Орус философиясы коомунун жана Америка философиясы коомунун мүчөсү, «25-кадр» журналынын негиздөөчүсү, Кыргызстандын Кендо жана иайдо федерациясынын мүчөсү.

Гуля Алмамбетова былтыр Бишкектин Свердлов району боюнча Жогорку Кеңештин депутаттыгына талапкер болгон.