ХАМАС Израил менен сүйлөшүүгө даяр экенин билдирди

Журналист: ЖАНЫЛ ТАГАЙ

10.10.2023, 11:11

19173

дүйнө жүзүндө

ХАМАС Израиль менен мүмкүн болгон элдешүүнү талкуулоого ачык, анткени ал “максаттарына жетти”. Бул тууралуу Хамастын жогорку даражалуу өкүлү Мусса Абу Марзук Aljazeera телеканалына комментарий берип жатып билдирген.

Муса Абу Марзук телеканалга телефон аркылуу ХАМАС ок атышууну токтотууну талкуулоого даярбы деген суроого “бардык саясий диалогдорго” ачык экенин айтты.

Ал ошондой эле ХАМАС кош жарандыгы бар ондогон израилдик жарандарды, анын ичинде орус жана кытай жарандыгын алгандарды туткунга алганын кошумчалады.

Эске салсак, 7-октябрда эртең менен Израилге Газа тилкесин башкарган исламчыл ХАМАС кыймылы массалык ракеталык сокку урган. Буга жооп кылып, Иерусалим антитеррордук "Железные мечи" операциясын баштаган. Анын биринчи фазасы 8-октябрга караган түнү аяктаган.

Чыр-чатактын күчөшүнүн натыйжасында израилдик тургундардын каза болгондорунун саны 700дөн ашты. Палестинанын Саламаттыкты сактоо министрлигинин акыркы маалыматы боюнча, Израилдин Газа тилкесиндеги соккуларынан курман болгондордун саны 400дөн ашты.

Палестиналык аскерлер жүздөн ашуун израилдикти, анын ичинде жогорку даражалуу аскер кызматкерлерин туткунга алышкан.

Булак: NazarNews.kg