Эч кимди бала жытына зар кылбасын. Турмушка чыкканыма жакында 4 жыл болот. Кош бойлуу боло албай, ушунчалык сыгылып, кыйналып жүрөм.

Жолдошум да жакшы, аны жоготкум келбейт. Кайын журтум тараптан да “төрөбөйсүң, андай-мындай” деген сөздөр айтылбайт.

Төрт жылдан бери сыртымдан билдирбеген менен жандүйнөм ооруп, кыйналып жүрөм. “Баланчанын келини төрөптүр”, “тиги неберелүү болуптур” десе, өзүмдү коёрго жер таппай калам.

Күндүзү эл менен аралашып анча билинбейт, кечинде ыйлай берип көз жашым калбады. Кыздар, турмушка чыгарда бир сыйра дарыгерге көрүнүп, баары жакшы болсо, турмушка чыккыла. Жашоодо эң жаманы күтүү экен...

Булак:Азия News гезити