Кенже жетектөөчү курамдын кызмат орундарына коюлган шарттарга жана квалификациялык талаптарга жооп берген Кыргыз Республикасынын жарандары чакырылат. Бул тууралуу ИИМдин басма сөз кызматы билдирди.

Талапкерлерге коюлуучу негизги талаптар: 

-Кыргыз Республикасынын жарандыгы; 

-жашы 19дан 30 жашка чейин;

-орто, атайын орто же жогорку билиминин болушу; 

-аскердик кызматты өтөгөн (милдеттүү); 

-жогорку физикалык даярдык; 

-соттолбогон;

-ден соолугунун абалы боюнча атайын бөлүктөрдө кызмат өтөөгө жарамдуулугу. 

Тандоого катышуу үчүн төмөнкү документтерди тапшыруу зарыл: 

-арыз; 

-белгиленген үлгүдөгү анкета; 

-өмүр баяны жана өмүр баяны боюнча реферат; 

-тиешелүү билимди тастыктаган документтердин көчүрмөлөрү; 

-эмгек китепчеси; 

-аскердик билет; 

-паспорттун жана туулгандыгы тууралуу күбөлүктүн көчүрмөлөрү; 

-балдарынын туулгандыгы тууралуу күбөлүктөрүнүн жана нике тууралуу күбөлүктүн көчүрмөлөрү (эгерде бар болсо); 

-аскердик-дарыгерлик комиссиянын укук коргоо органдарында кызмат өтөөгө жарамдуулугу жөнүндө корутундусу; 

-кеминде үч сунуштама кат; 

-көк түстүү фондогу, жарандык кийимдеги сүрөттөр: 9×12 жана 3×4 

-фамилиясын, атын же атасынын атын өзгөртүү жөнүндө күбөлүктүн көчүрмөсү; 

-кызматтык мүнөздөмө; 

-мамлекеттик тилди билүүсү жөнүндө сертификат;

-жашаган жери боюнча участкалык милициянын ыйгарым укуктуу өкүлүнүн маалымкаты; 

-жашаган жери боюнча Ички иштер органынан айыптоочу материалдардын жоктугу жана издөөдө жүрбөгөндүгү жөнүндө маалымкат.

Тандоо этаптары: 

1. Документтерди текшерүү, 

2. Дене тарбиялык даярдыгын текшерүү, 

3. Психологиялык изилдөө,

4. Маектешүү.

Документтер: 2026-жылдын 28-майынан баштап кабыл алынат. 

Документтер Кыргыз Республикасынын Ички иштер министрлигинде кабыл алынат. Бишкек шаары, Фрунзе көчөсү, 469. Тел.: (0312) 66-23-57